اسلام آباد۔23اکتوبر (اے پی پی)وزیراعظم محمد شہباز شریف صنعت تے زراعت دی ترقی کیتے روشن معیشت بجلی پیکج دا اعلان کیہے جئیں دے تحت صنعتیں اتے کِساناں کوں آوݨ آلے ݙُ??ائی سال اچ 22 روپے 98 پیسے فی یونٹ دی رعایتی قیمت تے اضافی بجلی ݙتی ویسی۔ خمیس کوں وزیراعظم محمد شہباز شریف صنعتی تے زرعی شعبے دے ماہرین تے کاروباری برادری دے وفد نال ملاقات اچ پیکج دا اعلان کیتا۔ وزیراعظم آفس دے میڈیا ونگ ولوں جاری بیان دے مطابق وزیراعظم دے اعلان کردہ پیکج دے تحت صنعتاں اتے کِساناں کوں آوݨ آلے ݙُ??ائی ورھیں (نومبر 2025 توں اکتوبر 2028) اچ رعایتی قیمت تے ودھیکی بجلی ݙتی ویسی۔ وزیراعظم وفد نال ڳالھ کریندیں ہوئیں آکھیا جو صنعتی شعبے کوں 34 روپے اتے زرعی شعبے کوں 38 روپے تے مِلݨ آلے یونٹس دی قیمت کوں خاطر خواہ گھٹ کر تے اضافی یونٹس ݙیے ویسن، آوݨ آلے ݙُ??ائی سالیں اچ پورا سال صنعتی تے زرعی شعبے کوں اضافی بجلی 22 روپے 98 پیسے فی یونٹ دی قیمت تے ݙتی ویسی، روشن معیشت بجلی پیکج دے تحت ݙتی ڳئی بجلی دا ٻوجھ نہ تاں ڳھریلو صارفین اتے نہ کہیں ٻئے شعب?? چیسن۔ انہاں وفاقی وزیر پاور ڈویژن سردار اویس لغاری اتے انہاں دی ٹیم کوں ایں پیکج دی تیاری تے شاباش ݙیندیں ہوئیں آکھیا جو ملکی معیشت دی ترقی اتے روزگار اچ ودھارے کیتے صنعت تے زراعت دی ترقی انتہائی اہمیت دی حامل اے، ملکی صنعتوں اتے زرعی شعبے دی خطے اچ مسابقت ودھاوݨ اتے کاروباری سہولیتاں اچ وادھا کیتے ہر ممکن اقدامات کریندے پئیوں۔ وزیراعظم آکھیا جو گزریل سال سردیاں اچ ݙتے ڳئے پیکج دے تحت صنعتی تے زرعی شعبے 410 گیگاواٹ اضافی بجلی استعمال کیتی جئیں نال صنعتاں کوں فروغ مِلیا، برآمدات ودھی اتے روزگار دے مواقع پیدا تھیے۔ وزیراعظم آکھیا جو معاشی بحران توں معاشی استحکام دا پندھ اوکھا ضرور ہا پر معاشی ٹیم دی محنت اتے ساریں دے تعاون نال اے ممکن تھیا۔ انہاں آکھیا جو صنعت تے زراعت دے شعبے ترقی کریسن تاں ملک کوں قرضیاں توں نجات مِلسی۔ انہاں بہتر پالیسیاں دی بدولت معاشی اشارے چنڳے تھیوݨ تے اللہ تعالیٰ دا شکر ادا کریندیں ہوئیں آکھیا جو اساں ساریاں کوں رَل تے ہݨ ٻئی محنت کرݨی پوسی۔ وزیراعظم ایں یقین دا اظہار کیتا جو ساریاں دے تعاون اتے معاشی ٹیم دی سویلے شام محنت نال پاکستان دی معاشی خود مختاری دا ہدف جلدی حاصل کریسوں۔
