اسلام آباد۔8اکتوبر(اے پی پی) سپریم کورٹ اچ 26 ویں آئینی ترمیم دے خلاف دائر درخواستاں تے سماعت جسٹس امین الدین خان دی سربراہی اچ اٹھ رُکنی آئینی بینچ کیتی۔ بینچ اچ جسٹس جمال خان مندوخیل، جسٹس محمد علی مظہر، جسٹس عائشہ ملک، جسٹس حسن اظہر رضوی، جسٹس مسرت ہلالی، جسٹس نعیم اختر افغان اتے جسٹس شاہد بلال شامل ہن۔سماعت دے دوران جسٹس امین الدین خان ریمارکس ݙتے جو اساں آئین تے انحصار کریندوں اتے وکلاء وی آئین تے ہی انحصار کریندن، جݙاں تئیں آئین اچ ترمیم نی تھیندی موجودہ آئین ہی لاگو اے۔ لاہور ہائیکورٹ بار ایسوسی ایشن دے وکیل حامد خان موقف ??خت??ار کیتا جو 26ویں آئینی ترمیم سینیٹ اچ وقتی منظور کیتی ڳئی۔ انہاں عدالت توں استدعا کیتی جو معاملے دی سماعت فُل کورٹ کرے کیوں جو ایں ترمیم نال عدلیہ دے ا??تیارات اتے آزادی تے براہ راست اثر پئے۔ انہاں دا آکھݨ ہئی جو موجودہ اٹھ رُکنی بینچ دے علاوہ باقی اٹھ ججز وی اوں ویلھے سپریم کورٹ دا حصہ ہن جݙاں اے ترمیم منظور تھئی، ایں کیتے سارے 16 ججز تے مشتمل فُل کورٹ بݨائی ونڄے۔جسٹس جمال مندوخیل ریمارکس ݙتے جو ’’فی الحال اے سوال نی جو ترمیم صحیح اے یا کائناں ، اے آئین دا حصہ اے‘‘۔ جسٹس محمد علی مظہر آکھیا جو ’’جوڈیشل کمیشن اچ پارلیمنٹری کمیٹی کوں شامل کیتا ڳئے، ݙساؤ عدالت فُل کورٹ کئیں ??خت??ار دے تحت بݨا سڳدی اے؟‘‘۔ جسٹس عائشہ ملک آکھیا جو ’’26ویں ترمیم اچ فُل کورٹ بݨاوݨ تے کوئی پابندی کائنی‘‘۔ وکیل حامد خان موقف اپنایا جو عدالت آئین دے آرٹیکل 187 دے تحت اے ا??تیار استعمال کر سڳدی اے ا??ے ماضی اچ وی آئینی نوعیت دے مقدمیں اچ فُل کورٹ بݨائی ڳئی۔جسٹس مندوخیل آکھیا جو ’’فرض کرو اساں سارے ججز کوں آئینی بینچ دا حصہ مَن گھنوں، تاں کیا تساں مطمئن تھی ویسو؟‘‘۔ جسٹس امین الدین ریمارکس ݙتے جے آئینی بینچ دا وجود ہی ختم تھی ونڄے تاں ول سپریم کورٹ دے فیصلے کوں کریسی؟۔ جسٹس نعیم افغان آکھیا جو ماضی اچ پریکٹس اینڈ پروسیجر ایکٹ موجود ہا ہی کائناں ، ہݨ چیف جسٹس دا ??خت??ار آئینی کمیٹی دے کنے ہے۔ عدالت واضح کیتا جو فی الحال فُل کورٹ بݨاوݨ دی درخواست تے دلائل سُݨیے ویندے پئن، مرکزی کیس یعنی 26ویں آئینی ترمیم دے آئینی جواز تے سماعت بعد اچ تھیسی ۔ جسٹس امین الدین خان آکھیا جو ممکن اے، اے معاملہ ہک مہینے تئیں صرف ایں نکتے تے ہی زیر بحث رہے جو کیس کوں بینچ ??ُݨ??ی۔ وکیل حامد خان خمیس کوں ماضی اچ بݨائے ڳئے فُل کورٹس دی لسٹ عدالت اچ پیش کریسن۔
