راولپنڈی۔ 27 ستمبر(اے پی پی) سیکیورٹی فورسز خیبر پختونخوا دے ضلع لکی مروت اچ خفیہ اطلاعات تے مبنی کارروائی دے دوران بھارتی حمایت یافتہ 17 خوارج کوں جہنم واصل کر ݙتے۔ آئی ایس پی آر کنوں جاری بیان موجب 26/27 ستمبر دی رات کوں سیکیورٹی فورسز بھارتی حمایت یافتہ فتنہ الخوارج نال تعلق رکھݨ آلے خوارج دی موجودگی دی اطلاع تے ضلع لکی مروت اچ انٹیلی جنس تے مبنی آپریشن کیتا۔ آپریشن دے دوران سیکیورٹی فورسز خوارج دے ٹھکاݨے کوں مؤثر طریقے ولا ݙتا جیندے نتیجے اچ 17 بھارتی حمایت یافتہ خوارج کوں جہنم واصل کر ݙتا ڳیا۔ ہلاک تھیوݨ آلے خوارج کنوں اسلحہ تے گولہ بارود وی برآمد تھئے جیڑھا سیکیورٹی فورسز تے قانون نافذ کرݨ آلے اداریں دے خلاف دہشتگردی دی ٻہوں کارروائیاں دے نال نال بے گناہ شہریاں دے قتل اچ وی سرگرم رہیے۔ علاقے اچ پاتے ونڄݨ آلے کہیں وی ٻئے بھارتی حمایت یافتہ خارجی کوں ختم کرݨ کیتے سینی ٹائزیشن آپریشن کیتا ویندا پئے ۔ پاکستان دی سیکیورٹی فورسز ملک توں بھارتی حمایت یافتہ دہشتگردی دی لعنت کوں مکاوݨ کیتے پرعزم اے۔
