ملتان 20ستمبر (اے پی پی) قائم مقام صدر سید یوسف رضا گ??لانی آکھیا جو اڄوکی چھل ملک وچ کافی تباہی مچائی اے۔ متاثرین دی آبادکاری کیتے چھیکڑی ویلھے تئیں انہاں دے نال ہیسے۔ اے ڳالھ انہاں ملتان وچ متاثرین کوں خوراک تے بنیادی ضرورت دیاں چیزاں ونڈݨ تے تقریب اچ آکھی ۔ ایں موقع تے رکن قومی اسمبلی سید عبدالقادر گیلانی، چئیرمین پبلک اکاؤنٹس کمیٹی و رکن صوبائی اسمبلی سید علی حیدر گیلانی تے رکن صوبائی اسمبلی کامران مڑل سودھے سیاسی و سماجی ر??نم??واں تے معززین علاقہ دی وݙی تعداد وی موجود ہئی۔ سید یوسف رضا گ??لانی آکھیا جو ایں ویلھے پورے ملک کوں چھل ولہیٹ وچ ڳھدا ہویا اے۔ لوکاں دیاں زمیناں، گھر، جانور تے کاروبار ختم تھی ڳئن۔ اوکھے ویلھے اساں چھل متاثرین دے نال کھڑے رہسوں ۔ انہاں دا آکھݨ ہئی جو جنہاں لوکاں دا جانی یا مالی ضیان تھئے، انہاں دے ݙکھ اچ برابر دے شریک ہیسے ۔ میں انہاں کوں یقین ݙوینداں جو انہاں دیاں گھراں وچ واپسی تائیں آرام نال نہ ٻہسوں۔ انہاں فارمرز ڈویلپمنٹ آرگنائزیشن تے پاکستان پاورٹی ایلیوی ایشن دے کردار دی تعریف کر??ند?? آکھیا جو کلھی حکومت ایں اوکھ نال نی نبڑ سڳدی ۔ فلاحی اداریں دا کردار قابل تحسین اے جنہاں مصیبت زدہ اتے اوکھ اچ پتھے لوکاں دے نال تعاون کیتا اتے انہاں دے کھاوݨ پیوݨ تے ضروریات دا خیال رکھیا۔ سید یوسف رضا گ??لانی آکھیا جو پیپلز پارٹی وی ہر اوکھے ویلھے اپݨے لوکاں دا ساتھ ݙتا۔ ایں ویلھے سارے کارکنان، پارٹی ر??نم??، سول سوسائٹی، سارے ادارے تے وفاقی و صوبائی حکومت دا فوکس چھل متاثرین دی بحالی تے اے۔ انہاں پاکستان سویٹ ہومز تے مختار اے شیخ دی طرفوں متاثرین کیتے ݙتی ونڄݨ آلی خدمات دی تعریف کیتی تے آکھیا صحت، خوراک، تعلیم تے رہائش دے حوالے نال سارے ادارے متحرک ہن اتے چنڳاں کردار ادا کر??ند?? پئن۔ سید یوسف رضا گ??لانی آکھیا جو اساں جو کجھ ہیسے، علاقے دے عوام دی دعاواں کنوں ہیسے۔ عوام ہمیشہ اساݙا ساتھ ݙتا، ایں سانڳے اساݙا وی فرض اے جو عوام دے رلے تھیووں ۔ انہاں مخیر حضرات، تاجراں تے صنعت کاراں کنوں وی اپیل کیتی جو متاثرین دی مزید خدمت کیتے اڳوں آون۔ انہاں آکھیا جو ارکان قومی اسمبلی سید عبدالقادر گیلانی تے سید علی قاسم گیلانی روزانہ دی بنیاد تے متاثرین کنے انہاں دے مسئلے پچھݨ ویندن ۔ باقی ذمہ وار وی امداد تے بحالی دے حوالے نال ضرور کردار ادا کرن۔ ایں موقع تے رکن قومی اسمبلی سید عبدالقادر گیلانی خطاب کر??ند?? آکھیا جو چھل توں تھیوݨ آلے ضیان دا ٻہوں افسوس اے۔ جیڑھا کجھ تھیا، اوہ اساݙے اتے اساݙے لوکاں دے نال تھئے۔ اساں اپݨے لوکاں کوں کلھا نہ چھوڑیسوں۔ سید عبدالقادر گیلانی آکھیا جو اساں ذاتی طور تے کئی ݙینھ کنوں چھل متاثرین دی حوصلہ افزائی کر??ند?? پئیوں اتے ایں سلسلے وچ روزانہ 5 ہزار متاثرین دا کھاݨا میݙے حلقے وچ ݙتا ویندا پئے۔ فارمرز ڈویلپمنٹ آرگنائزیشن دے سی ای او غلام مصطفیٰ ݙسایا جو اے فنڈ 1997ء کنوں کم کریندا پئے۔ اساݙا ٹارگٹ 45000 متاثرہ خانداناں کوں ریلیف ݙیوݨ اے۔ ایں سلسلے وچ ایف ڈی او چھل زدگان دی معاونت جاری رکھیسی۔ تقریب دے چھیکڑ وچ چھل توں متاثرہ خانداناں وچ راشن، خوراک تے بنیادی ضروری چیزاں ونڈیاں ڳئن
.jpg)
