اسلام آ??اد۔01 فروری(اے پی پی)وزیراعظم محمد شہباز شریف آکھیے جو حکومت رواداری و باہمی احترام دا ماحول ودھاوݨ کیتے پرعزم اے، انتہا پسندی اتے تفرقہ انگیز بیان بازی ساݙے سماجی نظام کیتے خطرہ ہین، مذہبی سکالرز، کمیونٹی رہنما اتے شہری معاشرے اچ بھرا بھرپی ودھاوݨ کیتے اپݨا کردار ادا کرن۔ عالمی ہفتہ برائے بین المذاہب ہم آہنگی تے سنیہے اچ وزیراعظم آکھیا جو اساں عالمی برادری نال رل تے بین المذاہب ہم آہنگی دا ہفتہ منیند?? پئے ہیں، اے ہفتہ پورے ڄڳ اچ مختلف مذاہب دے پیروکاراں وچال مکالمے، ہم آہنگی اتے تعاون ودھاوݨ کیتے اہمیت دا حامل اے، پاکستان دا تصور بابائے قوم قائداعظم محمد علی جناح سارے مذاہب کیتے ہک محفوظ ملک دے طور تے ݙتا ہا اتے ساݙا ملک ہر شہری دے عقیدے و وقار دے تحفظ اتے مساوات دے فروغ دے آئینی حق ت کھڑے، انصاف، رحم اتے ساری مخلوق دا احترام ساݙے دین اسلام دی لازوال تعلیمات ہین اتے ساݙا دین ایں سانڳے مثالی طرز عمل اپناوݨ سکھیندے، اساں شمولیت اتے سماجی ہم آہنگی آلیاں پالیسیاں نال انہاں اقدار دی پاسداری تے یقین رکھدے ہیں، حکومت معاشرے دے ہر فرد دی شمولیت، رواداری اتے باہمی احترام دے ماحول سانڳے پرعزم اے، مذہبی رواداری دے اصولاں آلی بین المذاہب ہم آہنگی پالیسی اتے مذہبی برداشت دی حکمت عملی تے عملدرآمد جاری اے جیڑھا نفرت انگیز گفتگو روکݨ دے نال نال ہر عبادت گاہ دی حفاظت اچ معاون ثابت تھیندی پئی اے، انتہا پسندی اتے تفرقہ انگیز بیان بازی ساݙے سماجی نظام کیتے خطرہ ہین، اڄ امن و اتحاد کیتے اپݨے اجتماعی عزم دا اع??دہ کرݨ ضروری اے۔ میں مذہبی سکالرز، کمیونٹی رہنماواں اتے شہریاں کوں آہداں جو او معاشرے اچ ٻھرا ٻھرپی ودھاوݨ کیتے کردشار ادا کرن، دعا اے اے ہفتہ اساں ہر کہیں کوں اپݨے جیون اچ باہمی برداشت و تعاون دی اقدار اپناوݨ دی ترغیب ݙیوے جیڑھا سارے شہریاں دے پرامن اتے خوشحال مستقبل کوں یقینی ٻݨاوے۔
.jpg)
