اسلام آباد۔28اگست (اے پی پی) وفاقی وزیر داخلہ محسن نقوی نال برطانوی ہائی کمشنر جین میریٹ ملاقات کیتی جیں اچ پاک برطانیہ تعلقات اتے مختلف شعبیں اچ ݙو طرفہ تعاون ودھاوݨ، انسداد دہشت گردی، ??نسداد منشیات، بارڈر سکیورٹی اتے انسانی سمگلنگ دے حوالے نال سانجھ ودھاوݨ تے ڳالھ مہاڑ کیتی ڳئی۔ برطانوی ہائی کمشنر جین میریٹ نشان امتیاز ??لݨ تے وزیر داخلہ محسن نقوی کوں مبارخ ݙتی اتے نیک تمنا دا اظہار کیتا۔ برطانوی ہائی کمشنر پاکستان اچ چھل تے مینھ توں قیمتی انسانی جاناں دے ضیان تے افسوس کیتا۔ انہاں فوت تھیوݨ آلے لوکاں دے خانداناں نال دلی ہمدردی اتے تعزیت کیتی ۔ وزیر داخلہ آکھیا جو پاکستان ہمیشہ توں امن دا حامی رہیے، اساں دہشت گردی دی ہر شکل دی زوردار مذمت کریندوں ۔ محسن نقوی آکھیے ??و برطانیہ ترقی دے سفر اچ پاکستان دا اہم شراکت دار اے، آپت دے فیدے دے سارے شعبیں اچ برطانیہ دے نال ݙو طرفہ تعاون کوں ودھاوݨ چاہندوں۔
