اسلام آباد۔14جنوری (اے پی پی) وزیراعظم محمد شہبازشریف آکھیا جو دہشت گردی دے خاتمہ کیتے قربانیاں پاروں فتنہ الخوارج ہمیشہ کیتے دم تروڑ ویسی، پاکستان ولا امن دا گہوارہ ٻݨسی، پی آئی اے بارے بندشاں ختم تھیندی پئن۔ پی آئی دے بارے بندشاں ختم تھیندی پئی۔ اے ڳالھیں انہاں منگل کوں وفاقی کابینہ دے اجلاس اچ ڳالھ مہاڑ کریندیں ہوئیں آکھی۔ وزیراعظم آکھیا جو افواج پاکستان آرمی چیف دی قیادت اچ فتنہ الخوارج دے خلاف آپریشن شروع کیتا ہوئے۔ ݙینھ رات کاروائیاں تھیندی پئن۔ بلوچستان اچ انٹیلی جنس بیسڈ آپریشن اچ 27 دہشت گرد جہنم رسید کیتے ڳئن۔ ٻئی جہیں تے وی آپریشن جاری اے۔ انہاں قربانیاں پاروں فتنہ الخوارج ہمیشہ کیتے دم تروڑ ویسی اتے پاکستان انشاء اللہ ولا امن دا گہوارہ ٻݨسی جینویں 2018 اچ نواز شریف دی قیادت اچ پاکستان اچ امن تھیا ہئی۔ وزیراعظم آکھیا جو تاریخ انہاں قربانیاں کوں ہمیشہ یاد رکھیسی۔ وزیراعظم کڄھ ݙینھ پہلے اسلام آباد اچ اسلامی دنیا اتے معاشریاں اچ تریمتیں دی تعلیم بارے شاندار کانفرنس کراوݨ تے وزارت تعلیم اتے وزارت اطلاعات سودھی متعلقہ حکام کوں شاباش ݙتی۔ انہاں آکھیا جو کانفرنس اچ تریمتیں اتے ٻالاں دی تعلیم بارے مقالے پڑھیے ڳئن۔ پاکستان اچ تریمتیں دی تعلیم بارے وݙے دیلنجز ہن۔ 22.8 ملین ٻال سکول توں ٻاہر ہن جئیں اچ اکثریت ٻالاں دی اے۔ اے وݙا چیلنج اے۔ وزیراعظم آکھیا جو او ??ئی سی دے سیکرٹری جنرل اتے مسلم ملکاں دے وزرائے تعلیم اتے ملالہ یوسفزئی دی کانفرنس اچ موجودگی خوش آئند ہئی۔ تعلیم دا شعبہ صوبیاں کوں منتقل تھی ڳئے مگ?? وفاق دا وی ٻہوں وݙا کردار اے۔ وفاقی کوں صوبیاں نال رل تے تعلیم دے میدان اچ جو اکھ ہن اتے چیلنجز ہن انہاں کوں حل کرݨ کیتے متحرک کردار ادا کرݨا چاہیدے۔ وزیراعظم وزیر تعلیم ک??ں ہدایت ݙتی جو او ??وبیاں نال رابطہ ٻݨا تے تعلیم دے میدان اچ موجود مشکلات اتے چیلنجز نال نبڑݨ، اے قومی خدمت ہوسی۔ وزیراعظم پی آئی اے دی یورپ کیتے پروازاں دی بحالی کوں وݙی کامیابی قرار ݙتا۔ وزیراعظم وزیر دفاع اتے متعلقہ حکام کوں ایں کامیابی تے مبارخ ݙیندیں ہوئیں آکھیا جو انہاں دی کوششاں رنگ ڳھن آئن اتے امید اے جو لندن کیتے پی آئی اے دی پروازاں جلدی بحال تھیسن اتے پاکستانی مسافراں دی اوکھ ڳھٹ تھیسی۔ وزیراعظم کابینہ کوں پنجگور اچ نویں پاک ایران سرحدی کراسنگ شروع تھیوݨ دا ݙسیا اتے آکھیا جو ایں نال قانونی تجارت ودھسی اتے سمگلنگ کوں روکیا ونڄ سڳسی۔ وزیراعظم آکھیا جو وزارت بجلی دی ٹاسک فورس تیزی ??ال کم کریندی پئی اے۔ جنکوز دا کیا کم اے جو او پیمنٹس ڳھنن، اے سرکار دا کم اے جو او پیمنٹس ڳھنے۔ ڈالر اچ انہاں کوں ادائیگیاں تھیوݨ وی ہک وݙا چیلنج اے۔ کابینہ ایں بارے اقدامات دا جائزہ ڳھنسی۔
