اسلام آباد۔17ستمبر (اے پی پی) وزیراعظم محمد شہباز شریف سعودی ولی عہد تے وزیراعظم شہزادہ محمد بن سلمان دی دعوت تے سعودی عرب دے راجگڑھ ریاض روانہ تھی ڳئن۔ بدھ کوں پی ایم آفس دے میڈیا ونگ توں جاری بیان موجب سرکاری دورے دے دوران نائب وزیرِ اعظم تے وزیرِ خارجہ محمد اسحاق ڈار، وزیرِ دفاع خواجہ محمد آصف، وزیرِ خزانہ محمد اورنگزیب، وزیرِ اطلاعات تے نشریات عطاء اللہ تارڑ، وزیر ماحولیات مصدق ملک اتے معاون خصوصی طارق فاطمی وی وزیراعظم دے نال ہن۔ وزیراعظم محمد شہباز شریف سعودی ولی عہد شہزادہ محمد بن سلمان نال ملاقات کریسن جئیں اچ پاکستان اتے سعودی عرب دے درمیان تعلقات دے سارے پہلواں دا تفصیلی جائزہ ڳھدا ویسی۔ ݙوہیں رہنما علاقائی اتے عالمی پیش رفت سودھے آپسی دلچسپی دے معاملیاں تے وی ڳالھ مہاڑ کریسن۔
.jpg)
