اسلام آباد ۔ 26 مئی (اے پی پی) وفاقی سیکرٹری پانڑیں تے بجلی محمد یونس ڈھاگہ آکھیا ہے جو بجلی دی لوڈشیڈنگ معیشت کوں ودھ سارا ضیان پجا یا ہے ،موجودہ حکومت دے چنگے اقدامات دی وجہ توں بجلی دے ضیان اچ گھٹکی تھی ہے ،واجبات دی وصولی اچ بہتری تھی ہے اتے پیداوار ودھاونڑ سانگے مختلف منصوبیں تے تکھے جاری ہے ،اساڈے ملک اچ مارکیٹاں رات یارہاں تئیں کھلیاں رہ ویندیاں ہن جیں دی وجہ توں بجلی ضائع تھیندی ہے صوبیں دے نال رل تے اے مسئلہ حل کرنڑ دی کوشش کریسوں ،2018تئیں لوڈشیڈنگ دا ناں تک کائناں رہسی ۔انہاں ان خیال??ں دا اظہار خمیس کوں اتھاں بجلی دی پیداوار دی اٹھویں سالانہ کانفرنس توں خطاب کریندے ہوئین کیتا ۔محمد یونس ڈھاگہ آکھیا جو لوڈ شیڈنگ پاکستان دا پرانڑاں مسئلہ ہے ،موجودہ حکومت ہنڑ بر سر اقتدار آئی تاں گردشی قرضے 15ارب ماہانہ دے حساب نال ودھدا پیا ہا اتے کوئی نواں سرمایہ کار بجلی دے شعبے اچ سرمایہ کاری سانگے تیار کائناں ہا ،ٹرانسمیشن لائن??ں دا نظام بوسید ہ تھی گیا ہا اتے بجلی د ا ودھ بوجھ برداشت کائناں کر سگدا ہا لیکن ہنڑ صورت حال اچ چنگائی تھی ہے ۔واجبات اچ 93فیصد وصولی کوں یقینی بنڑایا ??یا ہے ،بجلی دے ضیان گھٹ کرنڑ اچ کامیاب رہیے ہوں ،10اچوں 6ڈسٹری بیوشن کمپنی??ں دی کاکر دگی چنگی تھی ہے ،گردشی قرضے 320ارب ر??پے منجمد کر ڈتا گیا ہے آئی پی پیز کوں 61ارب ر??پے ،جڈاں جو پی ایس او کوں 24ارب دی ادائیگی کیتی گی ہے جیں دی وجہ توں سرمایہ کار??ں دا بجلی دے شعبے اچ اعتماد بحال تھیا ہے ،انہاں آکھیاجو 2018اچ بجلی دی پیداوار 20توں 30ہزار میگا واٹ تئیں پج ویسی ۔گزریل سال بجلی دی پیداوار اچ ریکارڈ ودھارا تھیا اتے 16000میگاواٹ تئیں گی ہے ہنڑ بجلی دی ترسیل دا نظام چنگاں تھیا ہے ،ایں ویلھے لوڈشیڈنگ اچ چنگی گھٹکی تھی ہے ہنڑ 2018تئیں لوڈ شیڈنگ دا ناں تک کائناں رہسی ۔
.jpg)
