نیو یارک۔26ستمبر(اے پی پی)نائب وزیر اعظم و وزیر خارجہ سینیٹر محمد اسحاق ݙار دی نیویارک اچ اقوام متحدہ دی جنرل اسمبلی دے 80 ویں اجلاس (یو این جی اے) دے موقع تے دولت مشترکہ دی سابق سیکرٹری جنرل پیٹریشیا سکاٹ لینڈ نال ملاقات کیتی اتے ݙوہیں رہنماواں باہمی دلچسپی، علاقائی امن اتے ترقی دے حوالے نال امور تے الایا۔ ترجمان دفتر خارجہ دے جاری بیان موجب، ملاقات اچ نائب وزیر اعظم دولت مشترکہ دی رکن ریاستاں وچال تعاون کوں مضبوط بݨاوݨ اچ پیٹریشیا سکاٹ لینڈ دے اہم کردار دی تعریف کیتی۔ انہاں پچھلے سال انہاں دے پاکستان دے کامیاب دورے دا وی ذکر کیتا، جیںدے نال باہمی تعلقات جدید بنیاداں تے کھڑے تھئے۔ ݙوہیں رہنماواں باہمی دلچسپی، علاقائی امن اتے ترقی دے امور تے وی گالھ مہاڑ کیتی۔ نائب وزیر اعظم پاکستان ولوں خطے اچ پرامن تعاون کیتے پکے عزم دا اعادہ کیتا۔ سابق سیکرٹری جنرل پیٹریشیا سکاٹ لینڈ علاقائی امن اتے ترقی دے اقدامات سانڳے نائب وزیر اعظم محمد اسحاق ݙار دے فعال کردار دی تعریف کیتی۔
