ڈھاکہ۔24اگست (اے پی پی) پاکستان اتے بنگلہ دیش چھی مختلف معاہدیں تے دستخط کر ݙتے، اڄ ڈھاکہ اچ وفد دی سطح تے تھیوݨ آلی ڳالھ مہاڑ دے بعد پاکستان دے نائب وزیراعظم / وزیر خارجہ سینیٹر محمد اسحاق ڈار اتے بنگلہ دیش دے مشیر خارجہ دی نگرانی اچ پاکستان اتے بنگلہ دیش وچال چھی معاہدیں تے دستخط کیتے ڳئے۔ ایں فہرست اچ پاکستان اتے بنگلہ دیش وچال سفارتی اتے سرکاری پاسپورٹ ہولڈرز کیتے ویزا مکاوݨ دا معاہدہ، وپار کیتے سانجھے ورکنگ گروپ تے ایم او یو، پاکستان اتے بنگلہ دیش دیاں فارن سروس اکیڈمیاں وچال ایم او یو، ایسوسی ایٹڈ پریس آف پاکستان کارپوریشن اتے بنگلہ دیش سنگباد سنگستھا وچال ایم او یو، انسٹی ٹیوٹ آف سٹریٹجک اسٹڈیز اسلام آباد اتے بنگلہ دیش دے اسٹیٹ ایکسچینج انسٹی ٹیوٹ وچال مفاہمت نامے شامل ہن۔ اے معاہدے وپار اتے اقتصادیات، سفارت کاراں دی تربیت، علمی تبادلیں، میڈیا تعاون اتے ثقافتی تبادلیں اچ ݙو طرفہ تعاون کوں ادارہ جاتی سطح تے مزید تکڑا کریسن۔
.jpg)
