اسلام آباد۔10ستمبر (اے پی پی) وفاقی وزیر موسمیاتی تبدیلی و ماحولیاتی ہم آہنگی ڈاکٹر مص??ق ملک نال کینیڈین ہائی کمیشن دے ناظم الامور لوک مائرز ملاقات کیتی جیں اچ پاکستان اچ اڄوکی تباہ کن چھل دی صورتحال اتے ݙوہیں ملکاں وچال ݙوطرفہ تعاون دے امکانات تے ڳالھ مہاڑ تھئی ۔ لوک مائرز پاکستان دے لوکاں دے نال ہمدردی اتے یکجہتی دا اظہار کیتا اتے اڄوکی چھل توں تھیوݨ آلے جانی و مالی ضیان تے ݙکھ تے افسوس کیتا ۔ ڈاکٹر مص??ق ملک لوک مائرز کوں ݙسایا جو اڄوکی چھل پاروں تقریباً 36 لکھ لوک بے گھر تھی ڳئ??۔ انہاں ݙسایا جو ریلیف آپریشن جاری ہن ا??ے پیشرفت کریندے پ??ن لیکن ا??ل چیلنج ایں ویلھے سامݨے آسی جݙاں پاݨی لہݨ دے بعد تباہی دے آثار اتے ڈھانچہ جاتی نقصان ٻیا واضح تھیسے۔ ملاقات اچ ݙوہیں فریقین چھل دے نتیجے اچ پاکستان اچ غذائی تحفظ تے پووݨ آلے اثرات تے وی تفصیلی ڳالھ مہاڑکیتی۔ ایں ضمن اچ ضوابط، تجارتی موقع اتے جی ایم او بجاں دے استعمال دے ذریعے زرعی پیداوار اچ بہتری گھن آوݨ دے امکاناں تے غور کیتا ڳیا۔ ڈاکٹر مص??ق ملک ٻیا ݙسایا جو وزارت موسمیاتی تبدیلی ماحولیاتی تحفظ ایجنسی دے عمل کوں ڈیجیٹائز کرݨ تے کم کریندی پئی اے تاں جو شفافیت کوں یقینی بݨایا ونڄے، ریگولیٹری امور ??چ بہتری گھن آئی ونڄے اتے کارکردگی اچ ودھارا کیتا ونڄے۔ ݙوہیں فریقین ایں ڳالھ تے اتفاق کیتا جو موسمیاتی لچک، غذائی تحفظ اتے پ??ئیدار ترقی دے شعبیں اچ سانجھے تعاون کوں ٻیا ودھارا ݙیوݨ کیتے موثر اقدامات کیتے ویسن ا??ے پ??کستان و کینیڈا وچال ݙوطرفہ تعلقات کوں ٻیا مضبوط بݨاوݨ تے کم کیتا ویسی۔
