اسلام آباد۔27اگست (اے پی پی) وزیراعظم محمد شہباز شریف آکھیے جو وفاقی حکومت خیبر پختونخوا اچ اڄوکی چھل دی صورتحال پاروں ہر ممکن تعاون کیتا ، پنجاب اچ وی وفاقی حکومت بھرپور تعاون کریسی، گجرات، سیالکوٹ، لاہور اچ اربن فلڈنگ دی ممکنہ صورتحال نال نبڑݨ کیتے سارے ضروری انتظامی اقدامات وختی طور تے چاتے ونڄن، عوامی نمائندے اتے حکومتی اد??رے چھل توں متاثرہ علاقیں اچ بر ویلھے انخلا، محفوظ جاہ تے منتقلی اتے امدادی کاروائیاں دی موثر نگرانی کرن۔ وزیراعظم دفتر دے میڈیا ونگ توں جاری بیان موجب اے ڳالھ انہاں پنجاب اچ زور دے مینھ تے دریائے راوی، ستلج اتے چناب اچ چھل دی صورتحال پاروں پیدا تھیوݨ آلے مسئلیں اتے ہݨ تئیں دے اقدامات تے جائزہ اجلاس دی صدارت کریندیں آکھی ?? اجلاس اچ وفاقی وزیر منصوبہ بندی و ترقی احسن اقبال، وفاقی وزیر توانائی اویس احمد لغاری، وفاقی وزیر موسمیاتی تبدیلی ڈاکٹر مصدق ملک، وفاقی وزیر اطلاعات و نشریات عطاء اللہ تارڑ، وفاقی وزیر اقتصادی امور ڈویژن احد خان چیمہ، چیئرمین این ڈی ایم اے اتے متعلقہ سرکاری حکام شرکت کیتی?? اجلاس اچ چیئرمین این ڈی ایم اے لیفٹیننٹ جنرل انعام حیدر ملک وزیراعظم کوں دریاواں اچ چھل دی صورتحال اتے متاثرہ علاقیں اچ پہلے توں انخلا، محفوظ جاہ تے منتقلی اتے امدادی سامان دی ترسیل تے بریفنگ ݙتی۔ چیئرمین این ڈی ایم اے ݙسایا جو ریسکیو1122، سول ڈیفنس، رینجرز، پی ڈی ایم اے اتے سارے ݙوجھے متعلقہ اد??رے پوری مستعدی نال کم کریندے پئن۔ بریفنگ اچ مزید ݙسایا ڳیا جو پنجاب دے کجھ علاقیں اچ چھل دی صورتحال دے ضیان توں بچݨ کیتے پہلے توں انخلا کیتے آرمی دے جواناں اتے پولیس دیاں خدمتاں حاصل کیتیاں ڳئن?? اجلاس کوں ݙسایا ڳیا جو دریائے چناب اچ پاݨی دا اخراج ودھݨ دے پاروں ہیڈ مرالہ اتے خانکی دی جاہ تے اُچے درجے دی چھل دا خطرہ اے ، متاثرین دے بر ویلھے انخلا کیتے 2000 ٹرک ݙتے ڳئن تاں جو کہیں وی صورتحال نال نبڑݨ کیتے تیار رہن، دریائے راوی اچ جسٹر اتے شاہدرہ اتے دریائے ستلج اچ گنڈا سنگ?? والا اتے سلیمانکی دی جاہ تے پاݨی دے اخراج دا زیادہ دٻاؤ اے، خانکی، بلوکی اتے قادر آباد اچ پاݨی دے اخراج نال پیدا تھیوݨ آلے دٻاؤ دی نگرانی کیتی ویندی پئی اے۔ وزیراعظم آکھیے جو گزریل ݙینھ وفاقی حکومت اتے این ڈی ایم اے دی طرفوں چھل دی صورتحال اتے مینھ دی وارننگ دی ذرائع ابلاغ اچ ہر ویلھے پہلے توں اطلاع قیمتی جانی و مالی ضیان کوں بچایا، پہلے توں اطلاع پُڄاوݨ دا اے سلسلہ مزید موثر انداز اچ جاری رکھیا ونڄے، این ڈی ایم اے ہݨ تئیں پنجاب دے متاثرہ علاقیں کیتے 5 ہزار خیمے ݙتن ݙوجھے ضروری سامان دی ترسیل وی جاری رکھی ونڄے، گجرات، سیالکوٹ، لاہور اچ اربن فلڈنگ دی ممکنہ صورتحال نال نبڑݨ کیتے سارے ضروری انتظامی اقدامات وختی چاتے ونڄن، پنجاب اچ چھل صورتحال پاروں بجلی دی مسلسل فراہمی، ذرائع مواصلات اتے سڑکاں دی بحالی کیتے وزیر مواصلات وزیر توانائی، سیکرٹری توانائی اتے چیئرمین این ایچ اے، لاہور پُج تے صوبائی حکومت دے نال عملی اتے بھرپور تعاون کرن۔ وزیراعظم آکھیا جو کہیں وی صوبے اچ چھل دی صورتحال نال پیدا تھیوݨ آلے مسئلیں کوں ملکی سطح تے مکمل ہم آہنگی نال حل کیتا ویسی، وفاقی حکومت خیبر پختونخوا اچ اڄوکی چھل صورتحال پاروں ہر ممکن تعاون کیتا، پنجاب اچ وی وفاقی حکومت بھرپور تعاون کریسی۔ وزیراعظم ہدایت کیتی جو سندھ اچ چھل دے ریلے دی پنجاب دے بعد آوݨ دی ہر ویلھے پہلے توں اطلاع کوں یقینی بݨایا ونڄے تاں جو ممکنہ ضیان توں بچیا ونڄ سڳے، عوامی نمائندگان اتے حکومتی اد??رے چھل توں متاثرہ علاقیں اچ وختی انخلا، محفوظ جاہ تے منتقلی اتے امدادی کاروائیاں دی موثر نگرانی کرن، چھل دی صورتحال پاروں انسانی جان و مال، فصلاں اتے مال ڈھور کوں ممکنہ ضیان توں بچاوݨ کیتے موثر حکمت عملی دے تحت حفاظتی اقدامات کیتے ونڄن، چھل صورتحال نال ݙوچار سارے ضلعے اتے تحصیل دی سطح تے پیش آوݨ آلے مسئلیں کوں مقامی اتے صوبائی انتظامیہ دے نال رل تے ہنگامی بنیاداں تے حل کیتا ونڄے
