اسلام آباد ۔ 21 مارچ (اے پی پی) موسمیاتی تبدیلیاں دے وفاقی وزیر زاہد حامدآکھیا ہے جو پاکستان کوں موسمیاتی تبدیلیاں پاروں سیلاب، قحط سالی، گلیشیئرز دے تکھے پگھلنڑ تے سطح سمندر اچ ودھارے دے درجہ حرارت سمیت جیہوجے سنجیدہ چیلنج دا سامنڑاں ہے۔موسمیاتی تبدیلیاں پاروں انہاں دے اثرات متعلق ”لیڈر پاکستان “ دے تحت قومی ورکشاپ توں خطاب کریندے ہوئیں وفاقی وزیر آکھیا جو پاکستان داعالمی سطح تے گرین ہاﺅس گیسز دے اخراج اچ حصہ صرف اعشاریہ 8فیصد ہے تاں جو ایندے باوجود اساڈا شمار موسمیاتی تبدیلیاں دے نتیجے پاروں ساریں توں متاثر تھیونڑ آلے ملکاں اچ تھیندا ہے موجودہ حکومت سنگینی دااحساس کریندے ہوئیں کلائمیٹ چینج ایکٹ پارلیمنٹ توں منظور کروایا ہے جیں دے تحت وزیراعظم دی سربراہی اچ ہک کونسل بنڑ ویسی ایندے علاوہ ہک اتھارٹی تے فنڈ وی قائم تھیسی ۔زاہد حامد آکھیا جو موجودہ حکومت وزیراعظم گرین پروگرام وی شروع کریندی پئی ہے جیں دے تحت صوبیں دے نال رل تے ملک اچ آندے 5سالاں اچ ڈاہ کروڑ بوٹے لاتے ویسن
