اسلام آباد۔1اکتوبر (اے پی پی) صدر مملکت ڈاکٹر عارف علوی داجنسی ہراسیت کیس اچ ڈائریکٹر جنرل پیمرا کوں ملازمت توں برطرف کرݨ، پنجوی لکھ روپے جرمانے دا حکم ݙے ݙتے۔ صدرمملکت ولوں وفاقی محتسب برائے انسدادِ ہراسیت بمقام ِ کار دا فیصلہ برقرار رکھیندیں ہوئیں ” ملازمت توں برطرفی” دی وݙی سزا برقرار، اتے جرمانہ ودھا تے 20 لکھ توں پنجوی لکھ روپے کر ݙتے۔ چھݨ چھݨ کوں ایوان صدر دے میڈیا ونگ توں جاری اعلامیہ موجب آپݨے حکم اچ صدرمملکت آکھیا جو اے امر ثابت تھی ڳئے جو تریمت ملازم کوں ملزم ولوں زبانی، فحش، جنسی اتے توہین آمیز تبصرے اتے ناجائز مطالبے دے ذریعے ہراساں کیتا ڳئے۔ صدرمملکت آکھیا جو تریمتیں کیتے محفوظ ماحول کوں یقنی ٻݨاوݨ کیتے ایجھے اقدامات ضروری ہن، ہراست دے خوف پاروں تریمتیں کوں دب ونجݨ آلی اقتصادی صلاحیتاں کوں استعمال کرݨ کیتے ایجھےاقدامات ضروری ہن۔ اکٹر عارف علوی تریمت کوں ݙتی ڳئی رقم ملزم دی تنخواہ دے بقایے، پنشن دی رقم یا کہیں ٻئے ذریعے جائیدار توں وصول کرݨ دا وی حکم ݙتے۔
