وزیراعظم د متحدہ عرب امارات دے نائب صدر، وزیراعظم اتے دبئی دے حکمران شیخ محمد بن راشد المکتوم نال ملاقات

2025-03-07 17:35:08

Dubai: Prime Minister Muhammad Shehbaz sharif meets his Highness sheikh Mohammed bin Rashid Al Maktoum, Vice President and Prime Minister of the United Arab Emirates and Ruler of Dubai.

ابوظہبی۔12جنوری(اے پی پی):وزیراعظم محمد شہباز شریف پاکستان اتے متحدہ عرب امارات وچال تعلقات سارے شعبیاں اچ ٻعے تکڑے کرݨ تے زور ݙتے جو تجارت و سرمایہ کاری دے مواقع ودھن اتے اپݨی ساڄھے داری کوں وی ڳھاٹا کتیا ونڄ سڳے۔ اے ڳالھ انہاں متحدہ عرب امارات دے نائب صدر، وزیراعظم اتے دبئی دے حکمران شیخ محمد بن راشد المکتوم نال ملݨ ویلھے آکھی۔ شیخ محمد بن راشد المکتوم وزیراعظم دا دبئی اچ استقبال کیتے۔ وزیراعظم شاندار استقبال تے شکریہ ادا کریندے ݙوطرفہ تعلقات دی اہمیت تے الایا اتے آکھیا جو پاکستان متحدہ عرب امارات کوں ہک قابل اعتماد سیاسی اتے اقتصادی شراکت دار دے طور تے ݙیہدے۔ انہاں یو اے ای دی قیادت نال ہر سطح تے تعاون ودھاوݨ دے معاملیاں تے ڳالھ مہاڑ کیتی اتے ݙوہاں ملکاں وچال نجی شعبے دے رابطے ودھاوݨ دا آکھیا۔ شیخ محمد بن راشد المکتوم یو اے ای دی ترقی تے پاکستانی کمیونٹی دے مثبت کردار دی تعریف کیتی۔ انہاں ݙوطرفہ تعاون و تعلقات تکڑے کرݨ کیتے متحدہ عرب امارات دی قیادت نال رل تے کم کرݨ کیتے اپݨی حکومت دا عزم دوہرایا۔ وزیر اعظم شہبازشریف شیخ محمد بن راشد المکتوم کوں دورہ پاکستان دی دعوت ݙتی جیڑھی انہاں قبول کر ڳھدی۔

مضمون کا ماخذ : لاٹری کے سستے ٹکٹ

متعلقہ مضامین