اسلام آباد۔21نومبر(اے پی پی) صدر مملکت آصف علی زرداری ضلع کرم اچ مسافر گاݙیاں تے فائرنگ دے واقعے دی شدید الفاظ اچ مذمت کریندے فائرنگ اچ قیمتی جانی ضیان تے ݙکھ تے افسوس کیتے ۔ ایوان صدر دے پریس ونگ موجب صدر مملکت آکھیے نہتے مسافراں تے حملہ بزدلانہ تے انسانیت سوز عمل اے۔ انہاں آکھئے نشوم شہریاں تے حملے دے ذمہ واراں کوں کیفرکردار تئیں پڄایا ویسی ۔ صدر مملکت واقعہ اچ قیمتی جانی ضیان تے لواحقین نال تعزیت کریندے زخمی لوکاں کوں وختی طبی امداد ݙیوݨ تے ذمہ واراں دے خلاف کارروائی دی ہدایت کیتی۔ صدر مملکت جاں بحق لوکاں سانڳے اُچے درجات تے انھاں دے گھرآلیں سانڳے صبر دی دعا وی منڳی
.jpg)