اسلام آباد۔12جون(اے پی پی)سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی آزاد کشمیر دے ضلع کوٹلی دے نیڑے وستی کرائی اچ زائرین دی بس کوں تھیوݨ آلے افسوس ناک حادثے دے نتیجے اچ 9 لوکاں دی موت تے ݙکھ تے افسوس کیتے ۔ قومی اسمبلی سیکرٹریٹ توں جاری بیان موجب سپیکرتے ڈپٹی سپیکر اپݨے پیغامات اچ بس حادثے دے نتیجے اچ قیمتی انسانی جاناں دے ضیان تے ݙکھ تے افسوس کریندے ہوئیں پسماندگان نال دلی تعزیت اتے ہمدردی دا اظہار کیتے۔ انہاں آکھیے بس حادثے اچ جاں بحق لوکاں دا آپݨے خانداناں توں اچانک وچھݨ ونڄݨ ھک وݙا ݙکھے تے ناقابل تلافی ضیان اے جی?? کوں دیر تئیں پورا نی کیتا ونڄ سڳدا ، انہاں آکھیے ݙکھے ویلھے او ݙکھی خدانان دے ݙکھ اچ برابر دے شریک ہن تے انہاں نال مکمل یکجہتی دا اظہار کریندن ۔سپیکر تے ڈپٹی سپیکر اللہ تعالیٰ توں بس حادثے اچ جاں بحق لوکاں دے اچے درجات تے ݙکھی خاندانا?? کوں ناقابل تلافی ضیان کو برداشت کرݨ کیتے صبر دی دعا کیتی ۔
