اسلام آباد۔20مارچ (اے پی پی) وزیر خارجہ مخدوم شاہ محمود قریشی نال جمہوریہ مصر دے وزیر خارجہ سامح حسن شکری وزارت خارجہ اچ ملاقات کیتی۔ اتوار کوں وزارت خارجہ ولوں جاری بیان دے مطابق ملاقات اچ ݙو پاسہ تعلقات، مختلف شعبیاں اچ ݙو پاسہ تعاون ودھاوݨ سودھے اہم علاقائی تے عالمی معاملیاں تے ڳالھ کیتی وزیر خارجہ مخدوم شاہ محمود قریشی ، او آئی سی وزرائے خارجہ کونسل دے 48 ویں اجلاس اچ شرکت کیتے پاکستان تشریف ڳھن آوݨ تے مصری وزیرخارجہ دا شکریہ ادا کیتا۔ انہاں آکھیاجو او آئی سی وزرائے خارجہ کونسل دا اجلاس ایجھے ویلھے تھیندا پئے جݙاں پاکستان آپݨے قیام دی پچھترویں سالڳنڈھ منیندا پئے۔ مخدوم شاہ محمود قریشی آکھیا جو مصرخطے دا اہم برادر ملک اے۔ انہاں آکھیا جو مصری صدر عبدالفتاح السیسی دی قابل قیادت اچ، مصر دا سیاسی استحکام اتے سلامتی آلے پاسے سفر باعث مسرت اے۔ مخدوم شاہ محمود قریشی آکھیا جو اساں صدر عبدالفتاح السیسی دے جلد دورہ پاکستان دے متمنی ہیسے۔ مصر دے وزیر خارجہ سامح حسن شکری پرتپاک خیر مقدم اتےپر خلوص میزبانی تے وزیر خارجہ مخدوم شاہ محمود قریشی دا شکریہ ادا کیتا۔
