لاہور۔13مئی(اے پی پی) وزیراعلی حمزہ شہباز عوام کوں ودھ سوکھ ݙیوݨ کیتے فوری اقدامات دا ہداہت کیتی اے اتے آپ مختلف ضلعیاں دا ابڑغت دورہ کرݨ دا فیصلہ کیتے۔ انہاں چیف سیکرٹری پنجاب کوں وی فیلڈ اچ ونڄ تے جائزہ ڳھنݨ دی ہدایت کیتی جو وزیر اعلی آفس اچ چیف منسٹر پرائس کنٹرول سیل ٻݨایا ویسی۔ انہاں آکھیا جو پنجاب اچ ڈسٹرکٹ پرائس کنٹرول کمیٹیاں ولا فعال کر ݙتیاں ڳین، فوکل پرسن لوکاں کوں سستیاں شئیں ݙیوݨ کیتے متحرک کردار ادا کرن تے گھیو، اٹے، کھنݙ، ککڑ اتے ٻیاں شئیں دا مل ڳھٹ رکھݨ کیتے جامع ایکشن پلان تے کم کیتا ویسی، ذخیرہ اندوزی برداشت کائنی، مہانگ مکاوݨ ترجیح اے، غیر معمولی حالات اچ فوری اقدامات کرݨے ہوسن۔
