خیرپور۔21دسمبر(اے پی پی)وزیراعظم محمد شہبازشریف سیلاب متاثرہ علاقیاں توں پاݨی کݙھݨ کیتے اقدامات اتے متاثرین دی بحالی دے کم کوں تیکھا کرݨ دی ہدایتی کریندے آکھیے جو اے ہک قومی خدمت اے اتے ایندے کیتے قومی جذبہ نال کم کرݨا ہوسی۔ اے ڳالھ انہاں خیرپور اتے تعلقہ کوٹ ڈیجی دے سیلاب متاثرہ وستی پیر گدو دے دورے ویلھے آکھی۔ انہاں متاثرہ علاقیاں دا فضائی جائزہ وی ڳھدا۔ ایں موقع تے چیئرمین این ڈی ایم اے لیفٹیننٹ جنرل انعام حیدر ملک بریفنگ ݙتی اتے سیلابی پاݨی کݙھݨ، بحالی دے کماں بارے ݙسایا۔ وزیراعظم متاثرہ علاقیاں توں پاݨی کݙھݨ اچ تیزی، اضافی مشینری، افرادی قوت اتے ودھ وسائل لاوݨ دی ہدایت کیتی جو ٹھݙ ودھݨ پاروں لوکاں کوں تیکھے محفوظ پناہ ڳاہ اتےس ر دی چھت ݙتی ونڄے۔ وزیراعظم سیلاب زدہ علاقیاں اچ امداد، بحالی و رسکیو کماں سانڳے این ڈی ایم اے اتے سارے متعلقہ اداریاں دے کردار دی تعریف کیتی۔
