اسلام آباد۔12ستمبر (اے پی پی) صدر مملکت آصف علی زرداری میجر عزیز بھٹی شہید نشانِ حیدر کوں انہاں دے شہادت دے ݙینھ تے خراج عقیدت پیش کیتے۔ خمیس کوں ایوان صدر دے پریس ونگ توں جاری بیان موجب صدرمملکت ایں موقع تے آپݨے سنیھے اچ آکھیا جو پوری قوم میجر عزیز بھٹی دی بے مثال قربانی اتے بہادری کوں سلام پیش کریندی اے۔ انہاں آکھیا جو میجر عزیز بھٹی 1965 دی پاک بھارت جنگ اچ دشمن دے سامھے ٻہوں جواں مردی نال ݙٹ تے قوم دے دفاع دا فریضہ سرانجام ݙتے۔ مادر وطن دی حفاظت کیتے آپݨی جان قربان کرݨ تے پوری قوم آپݨے ہیرو کوں خراج عقیدت پیش کریندی اے۔ صدرمملکت میجر عزیز بھٹی شہید کیتے درجات دی بلندی دی دعا کیتی۔
