لاهور – پهرين آڪٽوبر (اي پي پي) قومي اسيمبلي جي اسپيڪر سردار اياز صادق چيو آهي ته آئون ڪوشش ڪندو آهيان ته قانون موجب ۽ غيرجانبدار رهي هائوس کي هلايان، ايشوز تي ڳالهه ڪرڻ جي لاءِ سموري مخالف ڌر کي وقت ڏنو وڃي ٿو، تنقيد جي باوجود پي ٽي آءِ جون استعيفائون منظور نه ڪيون، هڪ شخص هزارين ووٽ کڻي اسيمبلي ميمبر بڻجي ته ان کي ڊي سيٽ ڪرڻ نامناسب ڳالهه آهي. هو مقامي هوٽل ۾ ڪائونسل آف پاڪستان نيوز پيپرز ايڊيٽرز جي اجلاس کي خطاب ۽ صحافين سان ڳالهائي رهيو هو. ان موقع?? تي سي پي اين اي جو صدر ضياءَ شاهد، اعجاز الحق، شاهين قريشي سميت ٻيا عهديدار موجود هئا. سردار اياز صادق چيو ته هو دنيا ۾ جتي به ويو سدائين ڪشمير اشو تي ڳالهه ضرور ڪئي آهي. هن چيو ته جيڪڏهن عمران خان مون کي اسپيڪر نه ٿو مڃي ته هو قانون ۽ پارليامينٽ کي به نه ٿو مڃي، اليڪشن ۾ ٻه ٽي ڀيرا جنهن شخص کي شڪست ڏني هجي ان جا زخم اڃا تائين ناهن ڀريا.
