اسلام آباد ۔ 29 اگست (اے پی پی) وزیراعظم دی معاون خصوصی اطلاعات ونشریات ڈاکٹر فردوس عاشق اعوان آکھیے جو انتہا پسند مودی دنیا دے امن کوں تباہ کریندا پئے جیرھا جو نفرت، ظلم اتے بجر دی آلودگی کھنڈا تے انسانی زندگی تے بقائے باہمی دے ماحول کوں برباد کرنڑ چاہندے ۔کشمیر اچ ظلم و بربریت انسانی تاریخ اچ ہک بدقسمت باب دا ودھارا اے ۔خمیس کوں سماجی رابطے دی ویب سائٹ ٹویٹر تے ہک ٹویٹ اچ انہاں آکھیے جو وزیراعظم عمران خان دی قیادت اچ اج جمعے کوں پوری قوم ظلم دے خلاف تے مظلوماں دے حق اچ گھراں توں باہر نکلسی ۔ڈاکٹر فردوس عاشق اعوان آکھیے جو کشمیریاں نال یکجہتی دا آغاز پاکستان اتے کشمیر دے قومی ترانے نال تھیسی۔ عمران خان مظلوم کشمیریاں نال یکجہتی کریندے ہوئیں قومی جذبات پوری دنیا تئیں پجیسن ۔
