اسلام آباد۔18جنوری (اے پی پی) پاکستان سعودی عرب اچ جازان دے علاقے اچ حوثی عسکریت پسنداں ولوں دہشت گردحملے دی مذمت کیتی اے ، جیں تے نتیجے اچ ترائے شہری زخمی تھی ڳئن ۔سنوار کوں ترجمان دفتر خارجہ سعودی عرب دے ہک سرحدی وستی اچ حوثی عسکریت پسنداں ولوں فوجی پروجیکٹیل حملے دی سخت مذمت کریندے ہوئیں آکھیے جو انہاں حملیں سعودی عرب دے نال نال خطے دے امن تے سلامتی کوں وی خطرے اچ پاݙتے ۔پاکستان ایہو سویں حملیں کوں وختی بند کرݨ دا مطالبہ کیتے۔ ترجمان آکھیے جو پاکستان ملکی سلامتی تے علاقائی سالمیت دے سامݨے آوݨ آلے خطریں دے خلاف ،مملکت سعودی عرب دے نال اپݨی مکمل حمایت تے یکجہتی دا اظہار کریندے۔
