اسلام آباد۔9اگست (اے پی پی) وفاقی وزیر اطلاعات تے نشریات چوہدری فواد حسین اتے وزیراعظم دے مشیر برائے پارلیمانی امور ڈاکٹر بابر اعوان آکھیا جو ای وی ایم دے استعمال اتے سمندر پار پاکستانیاں کوں ووٹ دا حق ݙیوݨ سانڳے رائے عامہ ہموار کرݨ سانڳے کم کریندے پیوں۔ اے ڳالھیں انہاں سنوار کوں وزارت پارلیمانی امور اچ کابینہ کمیٹی برائے ای وی ایم و آئی ووٹنگ دے اجلاس اچ ڳالھ مہاڑ کریندیں ہوئیں آکھی۔ وفاقی وزیر اطلاعات چوہدری فواد حسین آکھیا جو 1970ء توں تھیوݨ آلے ہر چݨائو اچ دھاندلی دا الزام لاتا ڳئے، ایں بارے ہک میکنزم بݨاوݨ دی لوڑھ اے، انہاں آکھیا جو اپوزیشن جماعتاں کوں انتخابی اصلاحات تے اساں نال ڳالھ کرݨی چاہیدی اے، انہاں آکھیاجو ای وی ایم ٹیکنالوجی بارے سارا کم پورا تھی ڳئے، ایں ٹیکنالوجی نال انتخابات اچ دھاندلی دے الزامات کوں دور کرݨ اچ مدد ملسی۔
