اسلام آباد۔8نومبر(اے پی پی)وفاقی وزیر اطلاعات و نشریات چوہدری فواد حسین آکھیے جو کالعدم تحریک طالبان پاکستان نال آئین پاکستان دے تحت مذاکرات شروع ہین، معاہدے دے تحت حکومت پاکستان اتے کالعدم تحریک طالبان پاکستان مکمل سیز فائر کیتے من ڳین، مذاکرات اچ ریاست دی حاکمیت، ملکی سلامتی، متعلقہ علاقیاں دے امن، معاشرتی اتے اقتصادی استحکام کوں اڳونہا رکھیا ویسی، افغان اتھارٹیز مذاکرات اچ سہولت کار ٻݨین۔ اسلام آباد اچ مزاکرات دی تصدیق کریندے چوہدری فواد حسین آکھیے جو وزیراعظم عمران خان اپݨے انٹرویو اچ کالعدم تحریک طالبان پاکستان نال مذاکرات دا آکھیا ہا اتے اے مذاکرات شروع تھی چکین۔ وفاقی وزیر اطلاعات آکھیے جو مذاکرات کوں ݙیہدے ہوئے سیز فائر اچ توسیع تھیندی ویسی، اے ڳالھ چنڳی اے اے جو پاکستان دے دہشتگردی توں متاثرہ علاقے وݙے عرصے بعد مکمل امن دو ودھدے پین۔
